ဘာ၀နာ 014

 ‘‘ဥစၧိႏၵ သိေနဟမတၱေနာ, ကုမုဒံ သာရဒိကံဝ ပါဏိနာ၊ သႏၲိမဂၢေမဝ ျဗဴဟယ, နိဗၺာနံ သုဂေတန ေဒသိတ’’ႏၲိ။  

တန္ေဆာင္မုန္းလ၌ ပြင့္ေသာၾကာပန္းကို လက္ျဖင့္ ျဖတ္သကဲ့သို႕ မိမိရဲ႕ ခ်စ္ျခင္းတဏွာကို ျဖတ္ေလာ့၊

ျမတ္စြာဘုရားသည္ တဏွာကင္းေသာ နိဗာန္ကို ညြန္ၾကားေဟာျပေတာ္မူသည္။

ထိုနိဗာန္သို႕ေရာက္ေၾကာင္းျဖစ္ေသာ မဂင္တရားကိုသာလွ်င္ ပြားမ်ားေလာ့။

 

 သုဝဏၰကာရေတၳရဝတၳဳ ဥစၧိႏၵာတိ ဣမံ ဓမၼေဒသနံ သတၳာ ေဇတဝေန ဝိဟရေႏၲာ သာရိပုတၱေတၳရႆ သဒၶိဝိဟာရိကံ အာရဗ႓ ကေထသိ။ ဧေကာ ကိရ သုဝဏၰကာရပုေတၱာ အဘိ႐ူေပါ သာရိပုတၱေတၳရႆ သႏၲိေက ပဗၺဇိ။ ေထေရာ ‘‘တ႐ုဏာနံ ရာေဂါ ဥႆေႏၷာ ေဟာတီ’’တိ စိေႏၲတြာ တႆ ရာဂပဋိဃာတာယ အသုဘကမၼ႒ာနံ အဒါသိ။ တႆ ပန တံ အသပၸါယံ။ တသၼာ အရညံ ပဝိသိတြာ ေတမာသံ ဝါယမေႏၲာ စိေတၱကဂၢမတၱမၸိ အလဘိတြာ ပုန ေထရႆ သႏၲိကံ အာဂႏ႖ာ ေထေရန ‘‘ဥပ႒ိတံ ေတ, အာဝုေသာ, ကမၼ႒ာန’’ႏၲိ ဝုေတၱ တံ ပဝတၱႎ အာေရာေစသိ။ အထႆ ေထေရာ ‘‘ကမၼ႒ာနံ န သမၸဇၨတီတိ ေဝါသာနံ အာပဇၨိတုံ န ဝ႗တီ’’တိ ဝတြာ ပုန တေဒဝ ကမၼ႒ာနံ သာဓုကံ ကေထတြာ အဒါသိ။ ေသာ ဒုတိယဝါေရပိ ကိၪၥိ ဝိေသသံ နိဗၺေတၱတုံ အသေကၠာေႏၲာ အာဂႏ႖ာ ေထရႆ အာေရာေစသိ။ အထႆ ေထေရာပိ သကာရဏံ သဥပမံ ကတြာ တေဒဝ ကမၼ႒ာနံ အာစိကၡိ။ ေသာ ပုနပိ အာဂႏ႖ာ ကမၼ႒ာနႆ အသမၸဇၨနဘာဝံ ကေထသိ။ ေထေရာ စိေႏၲသိ – ‘‘ကာရေကာ ဘိကၡဳ အတၱနိ ဝိဇၨမာေန ကာမစၧႏၵာဒေယာ ဝိဇၨမာနာတိ အဝိဇၨမာေန အဝိဇၨမာနာတိ ပဇာနာတိ။ အယံ ဘိကၡဳ ကာရေကာ, ေနာ အကာရေကာ, ပဋိပေႏၷာ, ေနာ အပၸဋိပေႏၷာ, အဟံ ပေနတႆ အဇၩာသယံ န ဇာနာမိ, ဗုဒၶေဝေနေယ်ာ ဧေသာ ဘဝိႆတီ’’တိ တံ အာဒါယ သာယႏွသမေယ သတၳာရံ ဥပသကၤမိတြာ ‘‘အယံ, ဘေႏၲ, မမ သဒၶိဝိဟာရိေကာ, ဣမႆ မယာ ဣမိနာ ကာရေဏန ဣဒံ နာမ ကမၼ႒ာနံ ဒိႏၷ’’ႏၲိ သဗၺံ တံ ပဝတၱႎ အာေရာေစသိ။ အထ နံ သတၳာ ‘‘အာသယာနုသယဉာဏံ နာေမတံ ပါရမိေယာ ပူေရတြာ ဒသသဟႆိေလာကဓာတုံ ဥႏၷာေဒတြာ သဗၺညဳတံ ပတၱာနံ ဗုဒၶါနံေယဝ ဝိသေယာ’’တိ ဝတြာ ‘‘ကတရကုလာ နု ေခါ ဧသ ပဗၺဇိေတာ’’တိ အာဝေဇၨေႏၲာ ‘‘သုဝဏၰကာရကုလာ’’တိ ဉတြာ အတီေတ အတၱဘာေဝ ဩေလာေကေႏၲာ တႆ သုဝဏၰကာရကုေလေယဝ ပဋိပါဋိယာ နိဗၺတၱာနိ ပၪၥ အတၱဘာဝသတာနိ ဒိသြာ ‘‘ဣမိနာ ဒဟေရန ဒီဃရတၱံ သုဝဏၰကာရကမၼံ ကေရာေႏၲန ကဏိကာရပုပၹပဒုမပုပၹါဒီနိ ကရိႆာမီတိ ရတၱသုဝဏၰေမဝ သမၸရိဝတၱိတံ, တသၼာ ဣမႆ အသုဘပဋိကူလကမၼ႒ာနံ န ဝ႗တိ, မနာပေမဝႆ ကမၼ႒ာနံ သပၸါယ’’ႏၲိ စိေႏၲတြာ, ‘‘သာရိပုတၱ, တယာ ကမၼ႒ာနံ ဒတြာ စတၱာေရာ မာေသ ကိလမိတံ ဘိကၡဳံ အဇၨ ပစၧာဘေတၱေယဝ အရဟတၱံ ပတၱံ ပႆိႆသိ, ဂစၧ တြ’’ႏၲိ ေထရံ ဥေယ်ာေဇတြာ ဣဒၶိယာ စကၠမတၱံ သုဝဏၰပဒုမံ မာေပတြာ ပေတၱဟိ ေစဝ နာေလဟိ စ ဥဒကဗိႏၵဴနိ မုၪၥႏၲံ ဝိယ ကတြာ ‘‘ဘိကၡဳ ဣမံ ပဒုမံ အာဒါယ ဝိဟာရပစၥေႏၲ ဝါလုကရာသိမွိ ဌေပတြာ သမၼဳခ႒ာေန ပလႅေကၤန နိသီဒိတြာ ‘ေလာဟိတကံ ေလာဟိတက’ႏၲိ ပရိကမၼံ ကေရာဟီ’’တိ အဒါသိ။ တႆ သတၳဳဟတၳေတာ ပဒုမံ ဂဏွႏၲေႆဝ စိတၱံ ပသီဒိ။ ေသာ ဝိဟာရပစၥႏၲံ ဂႏ႖ာ ဝါလုကံ ဥႆာေပတြာ တတၳ ပဒုမနာလံ ပေဝေသတြာ သမၼဳေခ ပလႅေကၤန နိသိေႏၷာ ‘‘ေလာဟိတကံ ေလာဟိတက’’ႏၲိ ပရိကမၼံ အာရဘိ။ အထႆ တခၤဏေညဝ နီဝရဏာနိ ဝိကၡမ႓ႎသု, ဥပစာရဇၩာနံ ဥပၸဇၨိ။ တဒနႏၲရံ ပဌမဇၩာနံ နိဗၺေတၱတြာ ပၪၥဟာကာေရဟိ ဝသီဘာဝံ ပါေပတြာ ယထာနိသိေႏၷာဝ ဒုတိယဇၩာနာဒီနိပိ ပတြာ ဝသီဘူေတာ စတုတၳဇၩာေနန ဈာနကီဠံ ကီဠေႏၲာ နိသီဒိ။ သတၳာ တႆ ဈာနာနံ ဥပၸႏၷဘာဝံ ဉတြာ ‘‘သကၡိႆတိ နု ေခါ ဧသ အတၱေနာ ဓမၼတာယ ဥတၱရိ ဝိေသသံ နိဗၺေတၱတု’’ႏၲိ ဩေလာေကေႏၲာ ‘‘န သကၡိႆတီ’’တိ ဉတြာ ‘‘တံ ပဒုမံ မိလာယတူ’’တိ အဓိ႒ဟိ။ တံ ဟေတၳဟိ မဒၵိတပဒုမံ မိလာယႏၲံ ဝိယ ကာဠဝဏၰံ အေဟာသိ။ ေသာ ဈာနာ ဝု႒ာယ တံ ဩေလာေကတြာ ‘‘ကႎ နု ေခါ ဣမံ ပဒုမံ ဇရာယ ပဟဋံ ပညာယတိ, အနုပါဒိဏၰေကပိ ဧဝံ ဇရာယ အဘိဘုယ်မာေန ဥပါဒိဏၰေက ကထာဝ နတၳိ။ ဣဒမၸိ ဟိ ဇရာ အဘိဘဝိႆတီ’’တိ အနိစၥလကၡဏံ ပႆိ။ တသၼႎ ပန ဒိေ႒ ဒုကၡလကၡဏၪၥ အနတၱလကၡဏၪၥ ဒိ႒ေမဝ ေဟာတိ။ တႆ တေယာ ဘဝါ အာဒိတၱာ ဝိယ ကေ႑ ဗဒၶကုဏပါ ဝိယ စ ခါယႎသု။ တသၼႎ ခေဏ တႆ အဝိဒူေရ ကုမာရကာ ဧကံ သရံ ဩတရိတြာ ကုမုဒါနိ ဘၪၨိတြာ ထေလ ရာသႎ ကေရာႏၲိ။ ေသာ ဇေလ စ ထေလ စ ကုမုဒါနိ ဩေလာေကသိ။ အထႆ ဇေလ ကုမုဒါနိ အဘိ႐ူပါနိ ဥဒကပဂၣရႏၲာနိ ဝိယ ဥပ႒ဟႎသု, ဣတရာနိ အဂၢေဂၢသု

ပရိမိလာတာနိ။ ေသာ ‘‘အနုပါဒိဏၰကံ ဇရာ ဧဝံ ပဟရတိ, ဥပါဒိဏၰကံ ကႎ ပန န ပဟရိႆတီ’’တိ သု႒ဳတရံ အနိစၥလကၡဏာဒီနိ အဒၵသ။ သတၳာ ‘‘ပါကဋီဘူတံ ဣဒါနိ ဣမႆ ဘိကၡဳေနာ ကမၼ႒ာန’’ႏၲိ ဉတြာ ဂႏၶကုဋိယံ နိသိႏၷေကာဝ ဩဘာသံ မုၪၥိ, ေသာ တႆ မုခံ ပဟရိ။ အထႆ ‘‘ကႎ နု ေခါ ဧတ’’ႏၲိ ဩေလာေကႏၲႆ သတၳာ အာဂႏ႖ာ သမၼဳေခ ဌိေတာ ဝိယ အေဟာသိ။ ေသာ ဥ႒ာယ အၪၨလႎ ပဂၢဏွိ။ အထႆ သတၳာ သပၸါယံ သလႅေကၡတြာ ဣမံ ဂါထမာဟ 

 ‘‘ဥစၧိႏၵ သိေနဟမတၱေနာ, ကုမုဒံ သာရဒိကံဝ ပါဏိနာ၊ သႏၲိမဂၢေမဝ ျဗဴဟယ, နိဗၺာနံ သုဂေတန ေဒသိတ’’ႏၲိ။ တတၳ ဥစၧိႏၵာတိ အရဟတၱမေဂၢန ဥစၧိႏၵ။ သာရဒိကႏၲိ သရဒကာေလ နိဗၺတၱံ။ သႏၲိမဂၢႏၲိ နိဗၺာနဂါမႎ အ႒ဂႋကံ မဂၢံ။ ျဗဴဟယာတိ ဝၯယ။ နိဗၺာနၪႇိ သုဂေတန ေဒသိတံ, တသၼာ တႆ မဂၢံ ဘာေဝဟီတိ အေတၳာ။ ေဒသနာဝသာေန ေသာ ဘိကၡဳ အရဟေတၱ ပတိ႒ဟိ။